«Мааны ыалдьыт» олоҥхону истии күнэ уһуйаан иитиллээччилэригэр.
Муус устар 23 күнүгэр, П.М.Васильев аатынан Соловьев орто оскуолатын уһуйаанын иитиллээччилэригэр «Төрөөбүт тыл биһигэ» киин көҕүлээһининэн «Дьулуруйар Ньургун Боотур» олоҥхотун билиһиннэрэр тэрээһин ыытылынна. Биһиги оҕолорбут — норуоппут кэскилээх кэллиэктэрэ. Кинилэргэ сахалыы тыл иччилээх күүһүн иҥэрэр сыаллаах, олоҥхо персонажтарын куукулаларынан хамсатан, ис хоһоонун арыйан көрдөрдүбүт.
Тэрээһин хаамыыта:
• Олоҥхо эйгэтэ: Оҕолор Ньургун Боотур олоҥхо персонажтарын кытта билистилэр, куукуланан көрөн, олус болҕомтолоохтук олорон, олоҥхо ис хоһоонун өйдөөтүлэр.
• Сахалыы тыл оонньуулара: Ону таһынан сахалыы тыл суолтатын, баайын үөрэтэр көхтөөх оонньуулары оонньоттубут.
Оҕолорбут бу курдук кыра саастарыттан төрөөбүт тылларын, өбүгэ оонньууларын, улуу Олоҥхолорун билсэллэрэ — биһиги барыбыт киэн туттуубут.
Бу тэрээһини иилээн-саҕалаан ыыппыт «Төрөөбүт тыл биһигэ» киин үлэһиттэригэр, уһуйаан иитээччилэригэр барҕа махталбытын тиэрдэбит!