Республиканскай научно-практическай конференция «Бырааттыы Васильевтар-сырдыгы саҕааччылар, киэҥ суолга сирдээччилэр».
Петр Митрофанович Васильев аатынан Соловьев орто оскуолатыгар, тохсунньу 27 күнүгэр, Республиканскай «Бырааттыы Васильевтар-сырдыгы саҕааччылар, киэҥ суолга сирдээччилэр» Васильевскай ааҕыылар 6-с төгүлүн ыытылынна. Конференция республиканскай таҺымнаах очно-дистанционнай көрүҥүнэн, нууччалыы-сахалыы тылынан үрдүк таҺымҥа буолан ааста. НПК-ҕа уопсайа 395 оҕо Саха сирин араас улуустарыттан кыттыыны ыллылар, ол иҺиттэн 120 оҕо очно, 274 кыттааччы дистанционно. Научнай практическай конференция 4 хайысханан барда:
1 хайысха: чинчийэр-сылыктыыр үлэни көмүскээҺин. Бу хайысха 6 секциянан —
-Бырааттыы Васильевтары, айар үлэлэрин үйэтитэр секция;
-Лингвистика, тыл науката;
-История, кыраайы үерэтэр наукалар;
-Естественнай, физико-математическай, агро технологическай наукалар;
-Культурология, искусствоведение, фольклор секцията;
-педагогтар секциялара үлэлээтилэр. Бу хайысхаҕа уопсайа 189 үлэ көмүскэннэ.
2 хайысха: Оратордар күрэхтэрэ — барыта 26 оҕо күрэхтэстэ.
3 хайысха: Фольклор — барыта 57 оҕо тойукка, чабырҕахха, остуоруйа кэпсээҺинигэр күрэхтэстилэр.
Ойуулуур-дьүҺүннүур, прикладной ускуустуба хайысхата — 122 оҕо кыттыыны ылла. Бу улахан конференцияҕа 30 тахса эксперт үлэлээтэ, экспертэринэн араас үрдүк, анал үөрэхтэр преподавателлэрэ, учуонайдар, доценнар үлэлээн, оҕолор дакылааттарын көрдүлэр-иҺиттилэр. Оҕолорго инники научнай үлэлэригэр сүбэ-ама биэрдилэр. НПК-ҕа Сахабыт сирин 13 улууҺуттан араас оскуолалартан кытыннылар. Ол курдук, Чурапчы, Таатта, Сунтаар, Нам, Булуҥ, Дьокуускай, Горнай, Бүлүү, ҮөҺээ Бүлүү, Мэҥэ Хаҥалас, Уус Алдан, Эбээн Бытантай, Амма, Мирнэй улуустарын оскуолалара.
Экспертэринэн Васильев П.С., Васильевтар сиэннэрэ, техническай наука кандидата,
СВФУ факультеттарын преподавателлэрэ, ученай степеннээх үлэҺиттэр, биологическай наука доктора Собакин П.И., улуустааҕы гимназия учууталлара Соловьева И.С., Хоютанова М.У., улуустааҕы үөрэх управлениетыттан Илларионов Д.А., тыа хаҺаайыстыбатын үөрэхтэрин заведениеларын преподавателлэрэ, «Үөрүү» оҕо сайдар киинин педагогтара Собакина А.И., Ходулов А.П. оҕолор, учууталлар, иитээччилэр үлэлэрин сыаналаатылар.
НПК Бырааттыы Васильевтар үрдүк таҺымнаахтык ыытыллан, кыттааччылар, экспертэр астынан дуоҺуйан, таҺаарыылаахтык үлэлээн тарҕастылар.
ТэрээҺиҥҥэ оҕолорго бирииҺинэн спонсордаатылар: Васильевтар аймахтара, нэҺилиэк администрацията, баҺылык Хомподоев В.В., Д.М. Васильев аатынан НАДЬ коллектива, директор Николаев У.М., «Полина» маҕаҺыын ИП Николаева П.П., нэҺилиэкпит бааҺынай хаҺаайыстыбалара.
