Соловьев нэһилиэгэр Чурапчы улууһун дьаһалтатын баһылыгын 2023 сыллаах үлэтин отчуота истилиннэ.
Бүгүн, ол эбэтэр тохсунньу 22 күнүгэр күнүс 14:00 ч. Д.М.Васильев аатынан Норуот Айамньытын Дьиэтигэр ЧУРАПЧЫ УЛУУҺУН ДЬАҺАЛТАТЫН БАҺЫЛЫГЫН 2023 СЫЛЛААХ ҮЛЭТИН ОТЧУОТА буолан ааста. Отчекка улууска араас хайысханан элбэх үлэ ыытыллыбытын нэһилиэнньэ сэргээн иһиттэ. Бүгүҥҥү отчекка олохтоохтор нэһилиэккэ сытыытык турар боппуруостары, этиилэри киллэрдилэр, ол курдук суол тупсарыллыыта, амбулаторнай балыыһабытыгар стационарно эмтэниини, аптеканы, Хахыйахха котельнайы саҥардыы, үүт тутар сыахтары (Мырылаҕа, Хахыйахха) өрөмүөннээһин, сир боппуруостара, дизель туһунан ыйытыктарга улуус туһааннаах тэрилтэлэрин салайааччылара, исписэлиистэрэ уонна баһылыкпын Степан Анатольевич хоруйдаатылар, быһааран кэпсээтилэр уонна бары боппуруостарга сөптөөх дьаһаллары ылыныахпыт диэн эрэннэрдилэр. Улуус дьаһалтатын ыытар үлэтин нэһилиэкпит олохтоохторо сөптөөҕүнэн сыаналаатылар.