Ийэ тыл, сурук-бичик күнүнэн!
Олунньу 14 күнүгэр Д.М.Васильев аатынан норуот айымньытын дьиэтигэр төрөөбүт тыл, сурук-бичик күнүгэр анаан түөлбэлэр икки ардыларыгар ыытыллар «Өркөн өй» интеллектуальнай күрэххэ нэһилиэкпит олохтоохторо көхтөөхтүк кытыннылар.
«Өркөн өй» интеллектуальнай күрэххэ бары түөлбэлэр үгүс боппуруоска сөптөөхтүк хоруйдаан үрдүк бааллары ыллылар.
Ол курдук 3 үрдэли ыллылар «Сардаҥа» түөлбэ.
2 үрдэл хаһаайыттарынан буоллулар «Кэскил» түөлбэ.
Уонна 1 үрдэли ылары ситистилэр «Таастаах» түөлбэ.
Ол кэннэ үгэскэ кубулуйбут, сылын ахсын ыытыллар «Сахалыы дьыктаан» аахсыйаҕа 19 киһи кытынна. Дьыктааны аахта П.М.Васильев аатынан Соловьев орто оскуолатын саха тылын учуутала Мавра Николаевна Попова. Дьыктаан буойун суруйааччы Тимофей Сметанин «Кыайбыттар ыһыахтара» кэпсээниттэн быһа тардыы 206 тыллаах буолла.
«Үчүгэй суруксут» аатын ылла П.М.Васильев аатынан Соловьевтааҕы орто оскуола алын кылаас учуутала Дария Петровна Собакина.
«Бастыҥ» суруксут аат иҥэрилиннэ «Соловьев нэһилиэгэ» тыа сирин туөлбэтин баһылыгын солбуйааччы Марфа Гаврильевна Николаеваҕа.
«Бастыҥтан бастыҥ» суруксут үрдүк ааты ылары ситистэ П.М.Васильев аатынан Соловьев орто оскуолатын интэринээтин иитээччитэ Парасковья Романовна Дьячковская.
Кыттыбыт дьоммутугар-сэргэбитигэр барҕа махталбытын тиэрдэбит!
