Соловьевская библиотека

Тохсунньу ый 7 күнүгэр “Ороһооспо 2025″ Д.М.Васильев аатынан норуот айымньытын дьиэтигэр нэһилиэкпит дьонугар-сэргэтигэр тымныы оҕонньор бирииһигэр аһаҕас бильярд уонна дартс күрэхтэрэ буолан аастылар.

Күрэх түмүгүнэн дартска 1 миэстэни ылары ситистэ Степан Афанасьевич Попов, 2 миэстэ буолла Егор Ефимович Ефремов, 3 миэстэни Владимир Иванович Собакин ылла.

Бильярдка 1 миэстэни Василий Николаевич Яковлев, 2 миэстэни Петр Петрович Соловьев, 3 миэстэни Ефим Егорович Ефремов ыллылар.

Онтон киэһэ нэһилиэкпит дьонугар, ыалдьыттарыгар араас көрдөөх ону таһынан интеллектуальнай оонньуулар, ырыа-тойук, уҥкүү-битии киэһэтэ ыытылынна.

Сахаайа Хомподоева бэйэтин ылбаҕай ырыатынан киэһэбитин киэргэттэ.

Тохсунньу 8 күнүгэр оҕолорго анаан «Кыһыл бэргэһэчээн» остуоруйа дойдутугар утренник буолан ааста. Оҕолор кыһыл бэргэһэчээҥҥэ эбэтигэр барарыгар көмөлөстүлэр, түмүгэр тымныы оҕонньор бэлэҕин ылан, үөрэн-көтөн дьиэлэригэр тарҕастылар.

Тохсунньу 16 күнүгэр бочуоттаах сынньалаҥҥа олорор дьоммутугар-сэргэбитигэр саҥа дьыл буолан ааста. Биэчэри саҥа үлэһит Иннокентий Михайлович иилээн-саҕалаан ыытта. Ытык саастаах дьоммут араас көрдөөх, толкуйдатар оонньуулары оонньоон сэргэхсийэн бардылар.