Ахсынньы 19 күнэ — кыһыҥҥы Ньукуолун.
Саамай кылгас күннэр. Тымныы оройо.
Бу күн тымныы буоллаҕына — Сайыҥҥы үүнүү үчүгэй.
6 күнүнэн: 22.12.2024 Мас хойуутук кырыардаҕына — үчүгэй үүнүүгэ.
9 күнүнэн: 25.12.2024 Испирдиэнэп. Бу күнтэн саҕалаан саамай күүстээх тымныы уонна тыал түhэр.
10 күнүнэн: 26.12.2024 Күн кутуйах хаамыытынан уhуур.
13 күнүнэн: 29.12.2024 Бүгүн кыраhа түстэҕинэ, ичигэс, тымныы күүhүрдэҕинэ, тохсунньу 19-гар диэри тымныы буолар.
❄️ Православнай итэҕэлгэ Николай Чудотворец күнүн ити итэҕэли ылыммыт саха дьоно эмиэ олус суолталыыллара.
❄️ Бу күн ыраас халлаан турдаҕына, тымныйар, арҕааттан тыалырдаҕына, сылыйар биитэр хаар түһэр, кырыаланнаҕына, быйаҥнаах сайын кэлэр, сииктээх буоллаҕына, ардахтаах күһүн буолар диэн билгэлииллэрэ.
❄️ Ньукуолун күн күүстээх үлэни толоруллубат, аһара күүрүллүбэт, кими да куһаҕан тылынан саҥарыллыбат. Бэйэ бодотун көрүнэн, сиэрдээхтик, көрсүөтүк сылдьыллар.
❄️ Кыһыҥҥы Ньукуолуҥҥа кэргэн кэпсэтэр табыгастаах эбит. Былыр бу күн анаан-минээн кэргэн кэпсэтэллэрэ, уруу тэрийэллэрэ. Бэлиэ күн ыал буолбут дьон уһуннук уонна дьоллоохтук олороллоро.
❄️ Ньукуолуҥҥа баай-талым остуолу тардан, чугас дьоннорун ыҥыраллара. Ыалдьыт хайаан да илии тутуурдаах, өттүк харалаах буолаллара.
❄️ Былыр бу күнү көтүппэккэ бэлиэтииллэрэ. Сэмэй остуол тартарар, халлааны кэтиир-маныыр саха кырдьаҕастарын сорох дьон өйдүүр буолуохтааххыт.