Сэтинньи 25 күнэ — Олоҥхо күнэ.
Өбүгэбит
Дьэ, буо
Дьэ, эрэ!
Самналлыбыт балаҕаҥҥа
Дьоро киэһэ үүннэҕэ:
Эһэбит эһэтэ-өбүгэбит-
Сээркээн сэһэн барахсан,
Көмүлүөгүн иннигэр
Аргынньахтаан олордоҕо.
Күөх буруону унаардан
Хамса табах соппойдоҕо,
Сэксэллибит бытыгын
Имэринэ таарыйдаҕа.
Абырҕалы эргитэн
Күөдьүттэҕэ аал уотун,
Тэмиэрийэ Хатаны
Мааллаатаҕа ас кээһэн.
Атахтарын хатыйан
Тобугуттан тардыстаҕа,
Олоҥхолоон эйээрэн
Үһүс түүнүн кэпсээтэҕэ.
Сахам саҥатын-төрүт тылын
Күүһүн, кыаҕын, сүмэтин,
Баһылаабыт буоллаҕа
Эһэбит эһэтэ-өбүгэбит.
Байбаралаах Балбаара