ОҔО КӨМҮСКЭЛИН КҮНЭ – КӨМҮС КЭСКИЛЛЭРБИТИГЭР АНАММЫТ ДЬОРО КҮН!
Бүгүн, бэс ыйын 1 күнэ – Аан дойду үрдүнэн Оҕо көмүскэлин күнэ бэлиэтэнэр. Оҕо – ыал дьоло, таптала, эрэлэ, дьиэ кэргэн инники кэскилэ. Оҕо баар буолан олох баар!
Күндү көмүс оҕолорбут! Эһиги – биһиги эрэллээх, кэлэр кэнчээри ыччаттарбыт. Көмүскэллээх, бары өттүнэн сайдыылаах, киэҥ билиилээх, чэгиэн туруктаах, чөл өйдөөх-санаалаах буола улаатыҥ!
Бу күн оҕолор олус үчүгэй сүргэлээх кэлэн эҥин араас көхтөөх оонньууларга оонньоотулар, үөрдүлэр-көттүлэр! Кинилэр мичээрдэринэн, күлүүлэринэн толору дьоруо күн буолла.
Ону таһынан, «Төрөөбүт тыл биһигэ» киин иһинэн ыытыллар «Өс хоһоону ситэр» уонна «Таабырыны таай» тургутукка көхтөөхтүк кыттан, билиилэрин тургуттулар, төрөөбүт тылга дьоҕурдарын көрдөрдүлэр.
Хас ыал аайы оҕо саҥата чугдаардын, хас биирдии оҕо мичээрэ таптал уйатын дьолунан толордун!
Бу кэрэ күнү тэрийбит дьоҥҥо, кыттыбыт оҕолорго уонна кинилэр төрөппүттэригэр барҕа махталбытын тиэрдэбит!