Сахалыы ыйдары үөрэтиэх
Муус устар 30 күнүгэр, олохтоох библиотекаҕа П.М.Васильев аатынан Соловьев орто оскуолатын 1-кы кылааһын үөрэнээччилэригэр уонна уһуйаан иитиллээччилэригэр аналлаах «Сахалыы ыйдары үөрэтэр библиотечнай уруок» ыытылынна. Бу уруок кэмигэр оҕолорбут кэрэхсэбиллээхтик сыл хас ыйтан турарын, хас дьыл кэмэ баарын уонна сахалыы ыйдар ааттарын билистилэр. Билиилэрин кэҥэтэр тургутук оонньуулары көхтөөхтүк оонньоотулар. Оҕолор төрөөбүт тылларын, төрүт билиилэрин кыра саастарыттан иҥэринэллэрэ олус наадалаах. Маннык уруоктар оҕо сахалыы эйгэтин кэҥэтэн, төрөөбүт тылыгар тапталын үөскэтэллэр.
Бу тэрээһиҥҥэ кыттыбыт оҕолорго, учууталларга барҕа махталбытын тиэрдэбит!