Дьиэ кэргэн — ийэ тыл биһигэ
Кулун тутар 4 күнүгэр, П.М. Васильев аатынан Соловьев орто оскуолатыгар, алын кылааска үөрэнэр оҕолордоох дьиэ кэргэттэргэ анаан, «Ыал саргыта» улуус пилотнай бырайыагын чэрчитинэн ыытыллар «Ааҕар Саха Сайдам Ыала» күрэх маҥнайгы квиз-оонньуута үөрүүлээхтик буолан ааста!
Бу кэрэхсэбиллээх тэрээһиҥҥэ уопсайа аҕыс дьиэ кэргэн кыттан, бэйэлэрин билиилэрин, толкуйдуур сатабылларын көрдөрдүлэр. Бары дьиэ кэргэттэр боппуруостарга олус үчүгэйдик хоруйдаабыттарын түмүгүнэн, үрдүк ситиһиилэри көрдөрөн, хос-хос хайҕалы ыллылар.
Кыайыы түмүктэрэ маннык буоллулар:
• Добун сурук 1 үрдэлин ылары ситистилэр Ангелина уонна кини ийэтэ Мавра Николаевна Поповтар дьиэ кэргэн! Эҕэрдэ эһиэхэ!
• 2 үрдэли ыллылар Андрей уонна Лена Егоровна Яковлевтар дьиэ кэргэн! Дьолуо эһиэхэ!
• 3 үрдэли ыллылар Эрчимэн уонна кини ийэтэ Күннэй Витальевна Николаевтар дьиэ кэргэн! Ситиһии эһиэхэ!
Бу тэрээһин «Ааҕар Саха Сайдам Ыала» пилотнай бырайыак дьиэ кэргэн икки ардыгар сомоҕолоһууну, сахалыы тылга тапталы уонна билиини кэҥэтиигэ улахан дьайыыны оҥордоҕо. Кыттыбыт бары ыалларга уонна тэрээһиҥҥэ көмөлөспүт дьоҥҥо улахан МАХТАЛ! Оҕолорбут уонна дьиэ кэргэн үтүө үгэстэрэ салгыы сайдалларыгар туһаайыллыбыт тэрээһиннэргэ бу курдук өрүү көхтөөхтүк кыттыаххыт диэн эрэнэбит!