Саҥа кинигэлэр
Егор Картузов «Адьырҕалыын хапсыһыы» кэпсээннэрин кинигэтигэр киһи уонна айылҕа, кистэлэҥ эйгэ уонна олох таабырына, сиэр-майгы уонна үйэлээх үгэс биир ситимҥэ киирэн, олох кэрэтин кэрэһэлииллэр. Мындыр өй, кыл түгэнигэр сөптөөх быһаарыныыны ылыы, сылбырҕа туттуу, сатабыл, хорсун санаа халыҥ тайҕа аарымаларын кытта хапсыһыыга куттал суоһуур кэмигэр уол оҕо барахсаны киһи буолар дуу, кии буолар дуу аналын быһааран эрдэхтэрэ. Адьырҕалыын хапсыһыы тыҥааһыннаах түбэлтэтэ, тыыннаах хаалар туһугар туруулаһыы манна сытыытык кэпсэнэр.
Айталина Никифорова. Эргиллиэм мохсоҕол буолан. Репрессия сиэртибэтин оҕолорун ыар дьылҕата, атаҕастабыл аһыы амтана, сирэй көрбөх буолуу, олох ханнык да батталыгар бэриммэт улахан таптал, кырдьык өрөгөйө, удьуор тыыннаах утума кэпсэнэр бу сэһэҥҥэ. Ааптар олоххо буолан ааспыт быһыы-майгы аныгы кэм ыччатыгар дьайыытын, суолтатын итэҕэтиилээхтик көрдөрөр.
Хас биирдии киһи олоххо дьолу көрдүүр, ол эрээри дьол туһунан өйдүбүлэ тус-туһунан. Дьолу ситэ сатаан сымыйаны кууспаппыт буолуо дуо? Дьиҥ аналы булунуу дьол буолаарай? Бу ыйытыыларга хоруйу кинигэҕэ киирбит кэпсээннэр биэрэллэр.
Ангелина Данилова. Иччилээх түүл диэн кэпсээҥҥэ герой түүлэ сэрэтэрин, инники олоҕор буолуохтааҕы өтө көрдөрбүтүнхойутаан өйдүүр. Ааптар сюжетын уратытык түмүктээбитэ. ааҕааччыны соһутуон сөп.
Ааҕааччы бу кинигэни ылан хас да көлүөнэ үҥэр таҥарата буолбут Ирина Елизарваны чугастык билсэн, кини ис дууһатын кистэлэҥнэрин арыйан соһуйуон да, уйдыйыан да сөп.
Хомуурунньукка Чурапчы улууһуттан ктөрүттээх, араас, билиҥҥи кэмнэргэ үлэлээн, олорон ааспыт суруйар эйгэлээх, баҕалаах дьон айымньылара киирдилэр.
Бу «Бүтэһик ботуруон» кинигэҕэ ааптар доҕотторо, аймахтара, ааҕааччылара бултуу сылдьан араас быһылааҥҥа, түбэлтэҕэ түбэспиттэрин туһунан уус-ураннык ойуулуур.
Кимиэхэ да этимэ. Сардаана. Бу дьиҥ олоххо олоҕурбут сэһэн буолар. Кинигэҕэ этиллэринэн, орто саастаах дьахтар оҕо эрдэҕиттэн санныгар сүгэ сылдьыбыт ыарахан олоҕун аһыы амтана, төһө да ол кэм ааспыта ырааппытын иһин, өссө да куолайыгар биллэрин, кута-сүрэ уоскуйбатын, түүлүгэр киирэн баттатарын туһунан аһаҕастык кэпсиир, өр сылларга кистии сылдьыбыт олоҕун саамай улахан кистэлэҥин ааҕааччыларга арыйар.
Адьырҕа айаҕар. Виталий Егоров. Холуобунай ирдэбил салаатын үлэһитэ Константин Журавлев сүүрбэ сыл ыар буруйу арыйыыга эҥкилэ суох үлэлээбитин туһунан кэпсэнэр. Ис дьыала уорганыгар сулууспалыыр кэмигэр араас өлөрүөхсүттэри кытта хабыр хапсыһыыга кыайар; кэлин доруобуйатын туруга мөлтөөн, ыарыытын кытта охсуһар. Уопуттаах сыщик кэлин тиһэҕэр олоҕор көрсөр араас уустук моһоллорун этэҥҥэ туоруур. Онуоха кини сиэхситтэр илиилэриттэн өлбүт сиэртибэлэригэр эмиэ махтанар. Дьыл±а хаан тыйыс ыйааҕа кими эрэ кылгас үйэлиир, кими эрэ эрдээх хоһуун сүрэхтиир
Чиччик. Виталий Егоров. В городе происходит череда ужасных убийств. Оперативный сотрудник уголовного розыска Каприн приступает к расследованию, но быстро понимает, что перед ним стоит почти неразрешимая задача. Он страдает от бессильной злобы, его мучают угрызения совести, он испытывает чувство вины перед родными жертв преступников, но внезапно свалившаяся любовь помогает оперативнику установить, кто есть кто.
Месть скорпиона. Виталий Егоров. При загадочных обстоятельствах без вести пропадает женщина. Ее дочь Ксения в надежде найти маму покидает привычное место проживания и оказывается в далеком и незнакомом краю, где знакомится не только с отзывчивыми и добрыми людьми, но и с отъявленными злодеями. Преодолев все невзгоды и преграды, девушке удается узнать судьбу родного человека.
Уларсан ааҕыҥ, сэргээҥ.