Сахалыы оонньуохха
Муус устар 9 күнүгэр П.М. Васильев аатынан Соловьев орто оскуолатыгар буолбут «Сахалыы оонньуохха» диэн тэрээһин оҕолорбут өбүгэ үгэһин умнубаттарыгар, төрөөбүт тылларын таптыылларыгар улахан суолталаах.
Бу курдук «Төрөөбүт тыл биһигэ» түмсүү көҕүлээһининэн ыытыллыбыт, сахалыы оонньуулар нөҥүө оҕолору түмүү – олус дьоһуннаах дьыала. 7 станциянан арахсан, хас биирдии киһи бэйэтин кыаҕын холонон, сахалыы оонньуулары билистилэр.
Бу тэрээһини иилээн-саҕалаан, оҕолору үөрэппит-такайбыт, олоххо киллэрбит дьоҥҥо барҕа махталбытын тиэрдэбит:
- Прасковья Кононовна Попова — «Хабылык» оонньууну сырдаппытыгар;
- Марианна Васильевна Федорова — «Хаамыска» көрүҥэр оҕолору кытта үлэлээбитигэр;
- Мавра Николаевна Попова — Тыл оонньуутун ыыппытыгар;
- Евдокия Семеновна Сибирякова — «Саха үгэһин төһө билэҕин» тургутугу ыыппытыгар;
- Анна Петровна Седалищева — «Улуустары төһө билэҕин?» тохтобулга үлэлээбитигэр;
- Сардаана Дмитриевна Семенова — «Күөрчэх» оонньууну ыыппытыгар;
- Сардаана Григорьевна Федорова — «Тыксаан» көрүҥү иилээн-саҕалаан ыыппытыгар.
Оҕолорбут өбүгэ оонньууларын умнубат буоллахтарына, кинилэр инникилэрэ чөл буолуоҕа. Бу курдук төрүт тыыннаах тэрээһиннэр элбии турдуннар!
Кыттыспыт дьоҥҥо барытыгар махтал! 👏✨