«Эбээ ааҕар»
Кулун тутар 4 күнүгэр, П.М. Васильев аатынан уһуйаан иитиллээччилэригэр, оҕо-аймахха улаханнык биллибит, элбэх оҕо эбээтэ, дьоһуннаах киһибит Евдокия Семеновна Сибирякова, умсугутуулаах уонна кэрэхсэбиллээх «Биэс ынахтаах Бэйбэрэкээн эмээхсин» диэн саха номохторугар киирбит остуоруйаны истиҥник, дууһаттан таһааран ааҕан иһитиннэрдэ.
Оҕолор Евдокия Семеновна тылын истэн, харахтара уоттанан, түгэх өйдөрө-билиилэрэ арыллан, остуоруйаҕа киирэн бардылар. Эбээлэр, эбээлэрин курдук, оҕолорго остуоруйаны кэпсээһин – биһиги төрүт тыыннаах култуурабыт сүппэт сокуона буолар. Итинник тэрээһиннэр оҕо сахалыы тылын сайыннараллар, өйүн-санаатын байыталлар, норуотун үгэстэригэр сыһыараллар.
Остуоруйаны болҕомтолоохтук олорон истибит оҕолор, кэлин билиилэрин тургутаары, аптаах сибэкки ыйытыыларыгар көхтөөхтүк хоруйдаатылар. Хас биирдии оҕо бэйэтин өйүн-санаатын көрдөрөн, остуоруйа сүрүн ис хоһоонун төһө өйдөөбүттэрин биллэрдилэр.
Евдокия Семеновнаҕа, оҕолорго бу курдук дьоһуннаах бэлэҕи оҥорбутун иһин, улахан махтал! Кини сырдык мичээрэ, истиҥ куолаһа оҕолор сүргэлэрин өрө көтөхтөҕө, уһуйаан иитиллээччилэрин олохторугар умнуллубат кэрэ түгэни бэлэхтээтэҕэ.