Төрөөбүт тыл уонна сурук-бичик декадата.
Олунньу 10 күнүгэр төрөөбүт төрүт тыл уонна сурук-бичик декада чэрчитинэн, сахалыы таба суруйуу үөрүйэҕин олохсутар, иҥэрэр сыаллаах Өрөспүүбүлүкэтээҕи «Таптыыр Сахам тылынан…» дьыктааҥҥа П.М.Васильев аатынан Соловьев орто оскуолатын 7, 8 кылааһын үөрэнээччилэрэ кыттыыны ыллылар. Дьыктааны СӨ Национальнай библиотекатын «Оҕо ааҕар киинэ» тэрийэн ыытар.
Дьыктааны бары олус кыһаллан, сүрдээх үчүгэйдик суруйдулар. Дьыктаан «Оскуолаҕа киирии» кэпсээн, 94 тылтан турар.
Бары кыттааччыларга туоһу сурук туттарылынна. Ону таһынан «Үчүгэй суруксут», «Бастыҥ суруксут», «Бастыҥтан бастыҥ суруксут» ааттар иҥэриллиэхтэрэ. Үчүгэй үлэлэр Өрөспүүбүлүкэтээҕи дьүүллүүр сүбэ хамыыһыйатыгар ыытыллыахтара.