Саҥа дьыллааҕы тэрээһиннэр.
Тохсунньу 31 күнүгэр саҥа дьыллааҕы «Дьикти түүн» алыптаах киэһэҕэ Соловьев нэһилиэгин Аҕа баһылыгын эҕэрдэтэ, көрдөөх-нардаах оонньуулар, эҕэрдэ нүөмэрдэр, түөлбэлэр представлениялара, маскараат күрэҕэ ону таһынан киирии билиэтинэн араас бириистэр оонньоннулар.
Тохсунньу 5 күнүгэр оҕолорго анааллаах «Тымныы Оҕонньор уонна Хаарчаана» эҕэрдэлэрэ утренник ыытылынна.
Тохсунньу 7 күнүгэр, сылын аайы ыытыллар үгэс буолбут, элбэх спортсмен кыттыылаах түөлбэлэр икки ардыларыгар сыал ытыытыгар, куропатка, дартс-микст, бильярд көрүҥнэргэ күрэхтэр буоллулар.
Күрэх түмүгүнэн «Сардаҥа» түөлбэ 4 хамаанда, «Чэчир» түөлбэ 3 хамаанда уонна «Кэскил» түөлбэ, «Таастаах» түөлбэ кииристилэр. «Куропатка» көрүҥэр хамаандаҕа 2 эр киһи, 1 кэрэ аҥар ыттылар, уопсайа 9 хамаанда кииристэ, ол түмүгүнэн 1м — «Чэчир» 1 хамаандата, 2м — «Чэчир» 3 хамаандата, 3м — «Таастаах» түөлбэ. «Дартс-Микс» көрүҥэр уопсайа 6 хамаанда кыттыыны ылбыта, ол курдук 1м — «Таастаах», 2м — «Чэчир», 3м — «Кэскил» түөлбэ ылары ситистилэр. Уонна биирдиилээн коммерческай «Сыал ытыытын» күрэҕэр уопсайа 15 киһи кыттыыны ылла, ол түмүгүнэн: 1м — Эрсан Громов, 2м — Сардаана Федорова, 3м — Алексей Илларионов ыллылар.
Тохсунньу 10 күнүгэр, 2016с тэриллибит «Тускулаана» үҥкүү бөлөҕө саҥа дьыллаатылар. Дуоһуйа оонньоон, үҥкүүлээн, бэлэх туттарсан астынан тарҕастылар.
Тохсунньу 13 күнүгэр ытык саастаах дьоммутугар саҥа дьыллааҕы сынньалаҥ киэһэтэ буолан ааста. Бу күн бары толору астаах сандалы тула олорон кэпсэтэн, үҥкүүлээн, оонньоон приз бөҕөтө ылан сэргэхсийдилэр.
Саҥа сылынан!