Бүгүн саха литературатын төрүттэспит суруйааччы, бастакы комедиограф Н.Д. Неустроев төрөөбүтэ 130 сыла.
Николай Денисович Неустроев 1895 сыллаахха ахсынньы 15 күнүгэр Байаҕантай улууһугар сэниэ бааһынай кэргэнигэр төрөөбүтэ.
Николай Денисович талааннаах, олус дьаныардаах буолан, бэйэтин эпохатын биир саамай дириҥ, киэҥ билиилээх үөрэхтээх киһитинэн буолбута. Нууччалыы да, сахалыы да олус үчүгэйдик суруйара.
Норуот өйүттэн-санаатыттан өлбөт-сүппэт, үгүс айымньылары суруйан хаалларбыта: “Дикая жизнь” (1915) кэпсээн, “Кукаакы Кулуба” (1920) комедията, “Куһаҕан тыын”, “Тиэтэйбит”, “Тар” (1925) драмалара, “Балыксыт”, “Прокаженные”, “Факир”, “Торжество смерти” кэпсээннэрэ, “Доҕорбор” хоһооно. Итини таһынан өссө өрөбөлүүссүйэ иннинэ Былатыан Ойуунускайы кытары Н.В. Гоголь “Ревизорун” сахалыы саҥардаспыта.
Николай Неустроев баара-суоҕа 34 саастааҕар 1929 сыллаахха от ыйын 21 күнүгэр ыалдьан өлбүтэ, Дьокуускайга көмүллүбүтэ. Төһө да кылгастык олорон аастар, саха реалистическай литэрэтиирэтин төрүттээччилэртэн биирдэстэринэн буолар.
Николай Денисович айар үлэтигэр аналлаах онлайн-викторина: https://docs.google.com/forms/d/e/1FAIpQLSfwd1sYhhjOzJfptiCF20D2Je6axtmSF3x4sUApuDPIj9E0MA/viewform?usp=publish-editor
Олохтоох бибилэтиэкэттэн Николай Денисович айымньыларын уларсан ааҕыҥ, сэргээҥ.