Сибэкки иһитин оҥорууга маастар-кылаас.
Тохсунньу 11 күнүгэр олохтоох бибилэтиэкэҕэ, кашпо-оҥоруутугар, нэһилиэкпит биир сайдам-сайаҕас далбар хотуна, дьиэни киэргэтии биир саҥа көрүҥүнэн ротанга материалынан дьарыктанар, элбэх кэрэ оҥоһугу оҥорбут Татьяна Романовна Кривошапкина, элбэх киһи көрдөһүүтүн ылынан, маастар-кылааһын үһүс төгүлүн ыытта.
Кашпону 2 чаас кэриҥэ бириэмэнэн бары оҥорон бүтэрдибит, элбэҕи биллибит, бары сатаатыбыт диэн астынныбыт.
Нэһилиэк кэрэ аҥардара бу дьарыгы олус сэргээтилэр. Ону таһынан ылбыт билиилэрин чиҥэтэн, эбии ротанга ыланнар дьиэҕэ үлэлээх тарҕастылар.
Маннык олус тупсаҕай көстүүлээх, саҥа сатабылга үөрэппит, угуйбут Татьяна Романовнаҕа махталбыт муҥура суох. Өрүүтүн бу курдук ылсыбытын ыпса, оҥорбутун тупса турдун диэн алҕыыбыт!