«Ааҕар саха сайдам ыала»
“Ыал саргыта” Чурапчы улууһун пилотнай бырайыагын иһинэн сыл устата ыытыллыбыт “Ааҕар саха сайдам ыала” күрэх түмүктэннэ. Барыта 20 ыал түмүктүүр тэрээһиҥҥэ кыттыыны ылла.
Дьүүллүүр сүбэ быһаарыытынан 1 миэстэни Чурапчы нэһилиэгиттэн Винокуровтар, 2 миэстэни Мугудай нэһилиэгиттэн Ивановтар, 3 миэстэни Мырылаттан Николаевтар дьиэ кэргэттэрэ ыллылар. “Ааҕыыга айар сыһыан” анал аат иҥэрилиннэ Болтоҥоттон Оконешниковтар дьиэ кэргэттэригэр. “Ааҕыыга сыһыарыы уопута” анал ааты Одьулуун нэһилиэгин Седалищевтар дьиэ кэргэттэрэ ыллылар.
3 миэстэни ылбыт Николаевтар дьиэ кэргэн видеоролигын киирэн көрөр сигэ: https://rutube.ru/video/488a31e0895dcccd276a632dafa460ed/?r=a/
Кыайыылаахтары итиитик-истиҥник эҕэрдэлиибит! Куруук кинигэҕэ тапталгыт уостубатын, библиотекаҕа сылдьа, оҕолоргутун ааҕыы эйгэтигэр умсугута турун.