Сахабыт Сиригэр Ийэ күнүн көрсө.
Кэлэн иһэр ийэ күнүнэн, алтынньы ый 17 күнүгэр, Д.М.Васильев аатынан норуот айымньытын дьиэтигэр, Мырылабыт биир бастыҥ хаһаайката, мааны Далбар Хотуна Татьяна Романовна олус үчүгэй дьоҕус корзина оҥорорго маастар-кылааһы ыытта.
Татьяна Романовна бэйэтин оҥоһуктарынан быыстапкатын бары сэҥээрэн, кэрэхсээн көрдүбүт.
Ону таһынан ийэлэргэ аналлаах «Ийэ күнүнэн!» диэн кинигэ быыстапката турда.
Бары кэрэ аҥардарбыт оҥоһуктарын бүтэрэн, үөрэ-көтө, корзиналаах дьиэбитигэр тарҕастыбыт.
Олус кэрэ саҥа дьарыкка угуйбут, үөрэппит Татьяна Романовнабытыгар барҕа махталбытын тиэрдэбит!