Дмитрий Митрофанович Васильев — ССРС культуратын туйгуна, Аҕа дойду Улуу сэриитин кыттыылааҕа бүгүн төрөөбүтэ 110 сыла.
Бүгүн алтынньы ый 15 күнүгэр Д.М.Васильев аатынан норуот айымньытын дьиэтигэр, П.М.Васильев аатынан Соловьевтааҕы орто оскуола үрдүкү кылаас үөрэнээччилэригэр библиотечнай уруок ыытылынна.
Нэһилиэкпит историга, кыраайы үөрэтээччи, И.Г.Собакин аатынан нэһилиэк историятын түмэлин салайааччыта Иннокентий Иннокентьевич Собакинныын Дмитрий Митрофанович олоҕун-дьаһаҕын, үлэтин, ситиһиилэрин, дьиэ кэргэнин туһунан сырдаттыбыт.
Оҕолорго анаан минньигэс фуршет тэрилиннэ.
Үөрэнээччилэрбит билиилэрин чиҥэтэн викторина ыыттыбыт.
Викторина түмүгүнэн 3 үрдэли ылары ситистэ Маша Собакина, 2 үрдэли ылла Ангелина Кривошапкина, 1 үрдэли ылла Сайаан Алексеев. Итиэннэ Дмитрий Митрофанович кыыһа Валентина Дмитриевна харчынан бириэмийэлэри туттартаата.
Ону таһынан «Үлэ киһини киэргэтэр» нэһилиэкпит историятын кэпсиир, сырдатар кинигэлэр выставката турда.
Библиотечнай уруокка харчынан спонсордаабыт В.Д. Сергееваҕа, уруокка кыттыбыт оҕолорго МАХТАЛ!