Дьахталлар ыспартакыйаадаларыттан сонуннар
Балаҕан ыйын 24 күнүгэр Чурапчы нэһилиэгэр үс сиринэн, сөргүтүллүбүт Чурапчы улууһун дьахталларын ыспартакыйаадалара 5 успуорт көрүҥэр буолан кыайыылаахтар ааттаннылар. Барыта холбоон 100 дьахтар кыттыыны ылла.
Бу күн толору успуорка эрэ анаммата, ол курдук күн бастакы аҥарыгар Афанасий Софронов аатынан успуорт уораҕайыгар 8 салаанан дьахтар доруобуйатыгар туһаайыллыбыт маастар кылаастар буоллулар.
Ону таһынан Егор Борисов аатынан Чурапчы киин бибилэтиэкэтин мунньахтыыр саалатыгар дириҥ ис хоһоонноох төгүрүк остуол тэрилиннэ, ол онно маннык ыспартакыйааданы улууска сылын аайы тэрийэргэ, инникитин өрөспүүбүлүкэҕэ ыытыллар дьахталлар ыспартакыйаадаларыгар сүүмэрдэммит хамаанданы таҥан таһаарыыга итиэннэ уопсастыбаннай хамсааһыҥҥа туспа бырагырааммалар торумнара оҥоһулуннулар.
Биһиги нэһилиэктэн салгын саатынан ытыыга биирдиилээн киирсиигэ Фёдорова Сардаана 3 миэстэни ылары ситистэ уонна хамаанданан 2м буоллулар.
Волейбол көрүҥэр Неустроева Анастасия, Брызгаева Марина уонна Попова Ева кыттан хамаанданан 3 миэстэни ыллыбыт.
Уопсайга 5 көрүҥ түмүгүнэн «Илиҥ» (Одьулуун, Мындаҕаайы, Хатылы, Болтоҥо, Мырыла) хамаандата Чурапчы хамаандатыттан 1 очконан хааламмыт 2 миэстэни ылары ситистибит.
