Балаҕан ыйын 3 күнэ — терроризмы утары биир санааланыы күнэ.
Бүгүн Россия үрдүнэн терроризмы утарыыга биир санааланыы күнүн бэлиэтииллэр. Бу күн Беслаҥҥа 2004 сыллаахха балаҕан ыйын 1-3 күннэригэр буолбут быһылааны кытары быһаччы ситимнээх.
Бу бэлиэ даата «Россияҕа бойобуой албан аат (кыайыы) күннэрин туһунан» диэн 2005 сыллаахха от ыйын 6 күнүгэр ылыллыбыт федеральнай сокуоҥҥа олоҕуран бигэргэммитэ.
Балаҕан ыйын 3 күнүгэр, терроризмы утарыыга биир санааланыы күнүгэр анаан П.М.Васильев аатынан Соловьев орто оскуолатын үөрэнээччилэригэр, социальнай педагог Наталья Михайловна Николаеваны кытары информационнай чаас ыытылынна.
Оҕолорго олоххо буолуон сөп араас балаһыанньаларга бэлэм, сэрэхтээх буолалларыгар сүбэлэри биэрдибит. Ыксаллаах быһыы-майгы үөскүүр түбэлтэтигэр хайдах дьаһаныахтаахтарын, туох хамсаныыны оҥоруохтаахтарын бэсиэдэлээтибит. Ону таһынан араас боппуруостарга хоруйдаатылар, уруһуйдаатылар.
