Сэрии кэмин оҕолорун ахтыылара.
Оонньоммотох оҕо саас
Уот сэрии ааҥнаабыт Алдьархайын,
Сут-кураан сорун-муҥун,
Кырыымчык кэм
Кыһалҕатын,
Кутурҕан курус тыынын,
Харах куурбатах Көмүскэлин уутун,
Кут-сүр тостуутун,
Өй-сүрэх кыланыытын,
Дууһа дьулаан ыарыытын,
Киһини өйдүүр Буолуохтарыттан,
Инчэхэй тирбэҕэ Быстыбатынан,
Кэм-кэрдии кытаанах Ыйааҕынан,
Уоттаах сэрии туһугар,
Тулхадыйбат тулуурунан Турууласпыт,
Хорсун эр санаа күүһүнэн Тулуктаспыт,
Улуу Кыайыыны Уһансыбыт,
Сэрии кэминээҕи оҕолор,
Тыыл,Үлэ бэтэрээннэрин
Албан Ааттара
Үйэлэр тухары Өлбөөдүйбэтин!
Оонньоммотох оҕо саас Үтүө сурахтара
Хаһан да умнуллубатын!
СаргыЛаана✍️
Мырыла сэл.
Ыам ыйа, 2025 сыл.
Анна Ивановна Николаева — сэрии кэмин оҕотун, үлэ бэтэрээнин ахтыыта: https://rutube.ru/video/b5212b485e6f3f8d612a9147d8e5f10b/?r=a/
Нина Николаевна Попова — сэрии кэмин оҕото, үлэ бэтэрээнэ, Чурапчы улууһун бочуоттаах бэтэрээнин ахтыыта: https://rutube.ru/video/07532132425d3c17ef6b5e326460e494/?r=a/
Екатерина Егоровна — сэрии кэмин оҕото, үлэ бэтэрээнэ, Хоту көһөрүллүү кыттыылааҕын ахтыыта: https://rutube.ru/video/367509ec4a8b7d3801631f49769115c8/?r=a/
Анастасия Степановна Брызгаева — сэрии экмин оҕото, үлэ бэтэрээнэ: https://rutube.ru/video/403825bf55673b1c56fcf005548329bd/?r=a/
Роман Николаевич Брызгаев — сэрии кэмин оҕото, үлэ бэтэрээнэ: https://rutube.ru/video/e9fb20412283f4dcb39c930be72eada5/?r=a/
Буолан ааспыт кэми ахтан-санаан, кэлэр кэнчээри ыччакка, олоҕу сыаналыырга үөрэтэр кэпсээннэрин үллэстибит дьоммутугар махтанабыт! Киһи буолар кэскилбитин түстээбит аҕа саастаах биир дойдулаахтарбытыгар, тумус туттар дьоммутугар-сэргэбитигэр ис сүрэхпититтэн махтанабыт! Кыайыыны аҕалбыт хаан-уруу аймахтарбытыгар сиэрдээхтик сүгүрүйэбит, дьоһуннаахтык махтанабыт, күндү дьоммут күн-дьыл өксүөнүн билиммэккэ этэҥҥэ доруобайдык олороргутугар баҕарабыт.
Кэнчээри ыччат! Эн эйэлээх олоххо, күн тыгар ыраас халлааныгар олороргунан киэн тутун, үтүктэр-үөрэнэр үтүө холобур оҥоһун!