Василий Сергеевич Соловьев – Болот Боотур төрөөбүтэ 110 сылыгар аналлаах библиотечнай уруок.
Муус устар 17 күнүгэр П.М Васильев аатынан Соловьев орто оскуолатын библиотекатыгар библиотекарь Марианна Васильевна Федоровалыын уонна саха тылын, литературатын учууталын кытта Мавра Николаевна Поповалыын биһиги биир дойдулаахпыт Василий Сергеевич Соловьев — Болот Боотур 110 сылыгар анаан 9 кылаас үөрэнээччилэригэр библиотечнай уруок ыыттыбыт.
Уруок кэмигэр оҕолор Болот Боотур олоҕун-дьаһаҕын, айар үлэтин туһунан билистилэр, бастакы түһүмэххэ тургутук боппуруостарга хоруйдаатылар, 2 түһүмэххэ Василий Сергеевич оҕолорго хоһоон-таабырыннарын таайдылар, 3 түһүмэххэ Василий Сергеевич аймньыларын таайдылар, ол кэннэ бүтэһик 4 түһүмэххэ «Тэйэр Хайа» туһунан үгэтиттэн 1 этиини сахалыы Ноҕуруодап алпаабытынан суруйдулар.
Үөрэнээччилэр олус болҕойон иһиттилэр, оонньууларга көхтөөхтүк кыттан, түһүмэхтэри барытын аастылар, бүтүүтүгэр бириистэри тутан, үөрэн-көтөн тарҕастылар.
Оҕолорбутугар баҕарабыт, өрүүтүн бу курдук көхтөөх, билиигэ дьулуурдаах буолан үүнэн-сайдан иһэллэригэр!