Соловьевская библиотека

Биhиги нэhилиэккэ Чурапчы улууһун дьаһалтатын 2024 сыллааҕы үлэтин отчуоттуур мунньах тохсунньу 21 күнүгэр норуот айымньытын дьиэтигэр ыытылынна. Улуус баһылыгын социальнай боппуруостарга солбуйааччыта Мария Кронникова салайааччылаах дэлэгээссийэ сырытта. Сыл түмүгүнэн оҥоһуллубут видеону көрүү кэннэ дакылааты Мария Филипповна оҥордо. Дьон-сэргэ кэлиитэ көхтөөх, саала иһэ толору. Дьоммут үксүн тыа хаһаайыстыбатыгар, доруобуйа харыстабылыгар, ветеринарияҕа, ОДьКХ эйгэтигэр үгүс ыйытыыны биэрдилэр, сөптөөх хоруйдары ыллылар. Маны тэҥэ бэйдиэ сылдьар ыттарга сыһыаннаах, тыа сирин түөлбэлэрин тутулларыгар уларытыы киллэриэхтээх саҥа киирээри турар сокуон тула, нэһилиэккэ кэлэн туруоруллуохтаах дизель туһунан интэриэһиргээн туоһуластылар итиэннэ Туолума муостатын, ходуһа күрүөлэрин өрөмүөнүн, интэринээт, тренер үлэтигэр көрсөр кыһалҕаларыгар тиийэ олохтоох боппуруостар көрүлүннүлэр.

Соловьев дьаһалтатын пресс-киинэ.