Соловьевская библиотека

Нэһилиэкпитигэр ыытыллар «Түмсүү уонна Кэриэстэбил» сылынан нэhилиэкпит Спорт федерациятын түмсүүтэ тохсунньу 18 күнүгэр мунньахтаата. Ааспыт 2024 сылга улэни отчуотун спортинструктордар Илана Афанасьевна, Семен Иванович оҥордулар. Сыл түмүгүнэн спортивнай күрэхтэhиилэр түмүктэринэн кыра нэhилиэктэргэ 4 миэстэни ыллыбыт. Күрэхтэhиилэр түмүктэринэн -2024 сылга многоборьеҕа- 3 миэстэни ылбыппыт, сахалыы ыстаныыга- 2 миэстэ. Гиря спордугар ветеран спортсмеммыт Татьяна Алексеевна Федорова чемпион үрдүк аатын ылбыта. Скандинавскай хаамыыга — 3 миэстэни ылбыппыт. Кыhаллан бары көрүҥнэргэ кыттарбыт буоллар өссө үрдүк ситиhиилэнэр эбиппит диэн, быйыл 2025 сылга спортка күүһү түмэргэ, түөлбэнэн күрэхтэhиилэри былаанынан ыытарга сүбэлэhиинэн мунньах түмүктэннэ. Сыл түмүгүнэн федерация улэтигэр активнай кыттыыларын иhин махтал суруктары туттулар : Иван Иванович Брызгаев, Иван Иванович Сергеев, Виктор Иванович Собакин, Христина Алексеевна Собакина, Антонина Владимировна Анисимова, Анатолий Николаевич Христофоров, Татьяна Алексеевна Федорова.

Соловьев дьаһалтатын пресс-киинэ.