#СилаКниги
Ыам ыйын 27 чыыһылата — арассыыйа үрдүнэн бибилэтиэкэ күнэ. Бу күн бибилэтиэкэбитигэр #СилаКниги аахсыйа ыытылынна. Өрөспүүбүлүкэбит баһылыга Айсен Николаев 2024 сылы оҕо сылынан биллэрбитинэн, П.М.Васильев аатынан Соловьев орто оскуолатын интэринээтин иитиллээччилэрэ, Илана Афанасьевна уонна Иван Иванович салайааччылардаах бэрт сэргэхтик кытыннылар. Интэринээт биир бастыҥ иитиллээчитэ Сайаана Борисова, Татьяна Титовна Брызгаева уонна Дмитрий Никитич Собакин суруйбут «Сүрэххэ сөҥмүт сэрии ыар тыына» кинигэттэн биир кэпсээни аахта. Оҕолор бары сэҥээрэ иһиттилэр уонна кэпсээни ырыттылар.
Тириэнэрдэрэ Иван Иванович, Илана Афанасьевна аҥардас эт-хаан эрэ эрчийиитинэн буолбакка оҕолору олоххо бэлэмнээх буоларга, култуураҕа, киһилии сиэрдээх сылдьарга, сахалыы сөпкө саҥарарга о.д.а өрүттэринэн иитэллэрин-такайалларын киһи үөрэ көрөр, кинилэр олус үчүгэйдик өс хоһооннору оҕолоругар үөрэппиттэрин бу күн бары биир киһи курдук тэбис-тэҥҥэ эппиттэрэ олус долгутуулаах түгэн буолан ааспыта. Бу сигэнэн киирэн көрөргүтүгэр: https://cloud.mail.ru/public/xYnv/t889jSjDW
Ону таһынан бибилэтиэкэбит пуондата хаҥыырыгар диэн Иван Иванович 3 кинигэни бэлэх уунна: «Ирина Елизарова. Ураты» ааптар Г.В. Нельбисова, «Адьырҕа айаҕар» ааптар Виталий Егоров, «Саха геолога» Тумарча. Иван Ивановичка махталбытын тиэрдэбит!
Өссө биир үөрүүлээх түгэнинэн буолла, ааҕааччыбыт Сайаана Борисова төрөөбүт күнүнэн иитээччилэрэ, бииргэ үөрэнэр оҕолоро эҕэрдэлээтилэр уонна бэйэлэрин бэлэхтэрин ууннулар. Сайаанаҕа кэлэн кэпсээн аахпытыгар махтанабыт!
Күндү оҕолорбутугар, педагогтарбытыгар баҕарабыт үлүскэннээх түбүктээх үлэҕитигэр, тус олоххутугар ситиһиилэри, толору дьолу, элбэх үөрүүнү-көтүүнү, чэгиэн-чэбдик доруобуйаны!
