Саҥа кинигэлэр.
Татьяна Находкина. Ньоҕой эрэл. Ааҕааччыга биллэр прозаик Татьяна Находкина саҥа кинигэтин дьоруойдара – тыллара-өстөрө, санаалара-оноолоро, быһыылара-туттуулара киһини итэҕэтэр, ааптар бэйэтин оҕо сааһыттан уонна субу бүгүҥҥү олохпутуттан түһэн кэлбит тыа сирин олохтоохторун тыыннаах мөссүөннэрэ.
Ааҕааччы киһи үтүө санаата, амарах быһыыта өрөгөйдүүрүттэн үөрүө, сыал-сорук, күүстээх санаа барыны кыайарыгар итэҕэйиэ уонна тус олоҕор туһалааҕы иҥэриниэ.
Михаил Сиванков, Сергей Москвитин. Донецкие розы. Война – это всегда страдания и потери для любой стороны. Но трудные времена проявляют самые глубинные стороны человека, о которых он сам мог даже не подозревать… Честь, долг перед родиной, обостренное чувство справедливости, и, конечно, любовь – то, что не теряет ценности ни в какие времена. Это очередной раз доказывают отголоски из прошлого, со времен войн, близких и далеких.
В сборник вошли рассказы писателей-ленчан Сергея Москвитина и Михаила Сиванкова, основанные на реальных событиях, где глазами свидетелей описываются события, происходящие в наше время.
Андросова Н.П. Оо, таптал… Амарах сүрэҕи долгутар, уйан дууһаны таарыйар айымньылар ааҕааччыга таптал араас өрүтүн арыйыахтара: сороххо бу истиҥ иэйии дьолу бэлэхтиэ, сороххо эрэйи кэккэлэтиэ. Ол гынан баран, дьиҥнээх ыраас таптал хаһан да умнуллубат аналлааҕын, киһи олоҕун устата сырдыгынан эрэ сыдьаайарын итэҕэтиилээхтик сэһэргиэхтэрэ.
Андрей Яковлев. Үүтээн кэпсээннэрэ. Кинигэҕэ автор саха эр дьонун булка сырыыларын туһунан умсулҕаннаах кэпсээннэрэ, эдэр булчукка анаабыт сүбэлэрэ-амалара түмүллэн киирдилэр.
Утум Захаров. «Үһүйээннэр, номохтор, остуоруйалар». Кинигэҕэ Санкт-Петербург куорат архыыптарыттан көстүбүт үһүйээннэр, номохтор, остуоруйалар хайдах суруллубуттарынан киирдилэр. XIX–XX үйэлэр кирбиилэригэр Саха сиригэр олорон ааспыт политсыылынайдар уонна ол кэм үөрэхтээх сахалара хомуйан хаалларбыт сэһэннэрэ төрүт култуураны сэҥээрээччилэргэ, устудьуоннарга, ааҕааччы киэҥ араҥатыгар ананар.
Дьолуолаах “Ньырбакаан” кинигэтэ атыыга таҕыста. Арамааҥҥа Саха сиригэр нууччалар кэлиэхтэрин иннинээҕи олох, Кыргыс үйэтэ сабардаан турар кэмэ кэпсэнэр. Туматтартан кыргыллыбыт ньырбакааттарбыт дэнэр аҕа ууһуттан чороҥ соҕотох ордон, туос тыыга олорон куоппут кыыс оҕо дьылҕата ойууланар. Ааптар айымньытын үһүйээннэргэ олоҕуран, Далан “Тулаайах оҕо”, “Тыгын Дархан” арамааннарыгар тирэҕирэн суруйбут.
Пестерев В.И., Петров Н.Н. Снайпер. Выстрел во имя Победы. В книге вкратце описываются история развития меткой стрельбы в армиях ведущих стран мира, действия снайперов в годы Первой мировой войны, на советско-финской войне и в годы Великой Отечественной. Значительное место уделено рассказам о становлении снайперского движения на фронтах, где сражались снайперы-сибиряки, об их подвиге, даются краткие описания процесса «охота» на противника. Читателю интересно будет ознакомиться с разделом, посвященным снайперам из Якутии, которая взрастила двух самых метких стрелков в числе десяти лучших советских снайперов Великой Отечественной войны
Бурцева А.А. Тута. Комикс, основанный на реальных событиях, описывает подвиг российского военнослужащего 39-й отдельной гвардейской мотострелковой бригады в зоне специальной военной операции.
Анастасия Дарбасова «Саһарҕа хоптотун мүччүргэннээх сырыылара» кинигэтэ — бастакы эко-остуоруйа таҕыста! Айылҕаны киртитэр, тайҕа сокуоннарын кэһэр, мээнэ бултуур туох кутталлааҕый? Саһарҕа хоптото Лола мүччүргэннээх сырыыларыгар кыттыһан, Сотик эһэчээни, Арчы таба оҕотун, Гуглик мэкчиргэни уонна Айкуо кэрэ кыыһы кытта доҕордоһон бил!
Сивцева М.Г. Сөбүлүүр мультиктарбыт бүлүүдэлэрэ. «Красти Краб» ресторан соустаах крабсбургерын астыырга үөрэниэххин баҕараҕын? Оттон «Микрошеф» Реми аатырбыт рататуйун? Эбэтэр «Корпорация монстров» мультиктан Йеги Хаар киһи лимоннаах мууһун? Оччоҕо бу кинигэ чопчу эйиэхэ ананар — 20 сөбүлүүр мультикпыт бүлүүдэлэрин ырысыаптара биир сиргэ!
Родион Данилов. Бары бииргэ. Анал байыаннай дьайыы күннээҕи олохпутугар хайдах сабыдыаллыырын, оҕо итиннэ хайдах сыһыаннаһарын, тыылга билиҥҥи кэмҥэ хорсун быһыы диэн тугун сырдатар кэпсээннэри ааҕыҥ, ырытыҥ, толкуйдааҥ.
Фронтовик-суруйааччы Исай Прокопьевич Никифоров 110 сылыгар анаан “Айар” кыһаҕа “Кырачаан булчуттар” кинигэтэ саҥалыы тыыннанан таҕыста. Кинигэҕэ 20 тэттик, оҕолору ийэ айылҕабытын уонна саха норуот сүрүн үгэһин — булду убаастыы үөрэтэр кэпсээннэр киирдилэр. Кырачаан ааҕааччыларга булт кистэлэҥнэрэ, тыа сирин уонна олохтоохторун уратылара арыллаллар.
“Тымныы оҕуһа” ойуулук кинигэ буолла“Тундра” анимация устуудьуйата устубут “Тымныы оҕуһа” сахалыы ойуулуга аны кинигэ буолан таҕыста. Кинигэҕэ (ойуулукка) 10 саастаах Айаал муус скульптора буолуон баҕарарын, ол баҕа санаата туоларыгар киниэхэ Бүөтүр кырдьаҕас көмөлөһөрүн туһунан суруллар.Кинигэни олус үчүгэйдик ойуулаан-бичиктээн таһаарбыттар. Эбиитин оҕону сайыннарар комикстардаах уонна ойуулук плаката бэлэхтээх. (Плакаты бастакы ааҕааччы бэлэх ылыа)